ഷിക്കാഗോ: ഷിക്കാഗോ സെന്റ്‌ തോമസ്‌ സീറോ മലബാര്‍ രൂപതയുടെ നിയുക്ത സഹായമെത്രാനായി തെരഞ്ഞെടുക്കപ്പെട്ട മോണ്‍. ജോയി ആലപ്പാട്ടിനെ ഷിക്കാഗോ മലയാളി അസോസിയേഷന് ഭാരവാഹികള്‍ അഭിനന്ദിക്കുകയും ആശംസകള്‍ നേരുകയും ചെയ്‌തു. ബെല്‍വുഡ്‌ കത്തീഡ്രല്‍ ദേവാലയാങ്കണത്തില്‍ വെച്ച്‌ ഷിക്കാഗോ മലയാളി അസോസിയേഷന് പ്രസിഡന്റ്‌ സണ്ണി വള്ളിക്കളം പിതാവിന്‌ ബൊക്കെ നല്‍കി.
ഷിക്കാഗോയില്‍ എത്തിയതിനുശേഷം പിതാവ്‌ ഷിക്കാഗോ മലയാളി അസോസിയേഷന് നല്‍കിയ എല്ലാ സഹായ സഹകരണങ്ങള്‍ക്കും ഭാരവാഹികള്‍ നന്ദി പറയുകയും, പിതാവിന്റെ തുടര്‍ന്നുള്ള പ്രവര്‍ത്തനങ്ങളില്‍ സംഘടനയുടെ പിന്തുണ അറിയിക്കുകയും, സഹായസഹകരണങ്ങള്‍ വാഗ്‌ദാനം ചെയ്യുകയും ചെയ്‌തു.
തന്റെ പുതിയ സ്ഥാനലബ്‌ദിയില്‍ പിതാവ്‌ ദൈവത്തിന്‌ നന്ദി പറയുകയും ഈ സ്ഥാനം കൂടുതല്‍ സഹായവും നന്മയും തന്റെ സഹജീവികളില്‍ ചെയ്‌തുകൊടുക്കേണ്ടതിന്‌ ദൈവം തന്നിരിക്കുന്ന അവസരമാണെന്ന്‌ പറയുകയും ചെയ്‌തു.
ചടങ്ങില്‍ മലയാളി അസോസിയേഷന് സെക്രട്ടറി സാബു നടുവീട്ടില്‍, ട്രഷറര്‍ ജോണ്‍സണ്‍ കണ്ണൂക്കാടന്‍ എന്നിവരും ആശംസകള്‍ നേര്‍ന്ന്‌ സംസാരിച്ചു. ഷിക്കാഗോ മലയാളി അസോസിയേഷന് ഭാരവാഹികളായ റ്റോമി അംബേനാട്ട്‌, ഫിലിപ്പ്‌ പുത്തന്‍പുര, ജോജോ വെങ്ങാന്തറ, ജോമോന്‍ ചിറയില്‍, മുന്‍ പ്രസിഡന്റുമാരായ ബെന്നി വാച്ചാച്ചിറ, റോയി നെടുങ്ങോട്ടില്‍ എന്നിവരും ജോസ്‌ സൈമണ്‍ മുണ്ടപ്ലാക്കില്‍, മിനി നെടുങ്ങോട്ടില്‍ എന്നിവരും സന്നിഹിതരായിരുന്നു.
ഫോട്ടോ അടിക്കുറിപ്പ്‌:
അസോസിയേഷന് പ്രസിഡന്റ്‌ സണ്ണി വള്ളിക്കളം നിയുക്ത ബിഷപ്പ്‌ മോണ്‍ ജോയി ആലപ്പാട്ടിനെ ബൊക്കെ നല്‍കി അഭിനന്ദിക്കുന്നു. ഇടത്തുനിന്നും ഫിലിപ്പ്‌ പുത്തന്‍പുര, ജോജോ വെങ്ങാന്തറ, ജോണ്‍സണ്‍ കണ്ണൂക്കാടന്‍, ജോസ്‌ സൈമണ്‍ മുണ്ടപ്ലാക്കല്‍, റ്റോമി അമ്പേനാട്ട്‌, റോയി നെടുങ്ങോട്ടില്‍, മിനി നെടുങ്ങോട്ടില്‍, ബെന്നി വാച്ചാച്ചിറ, സാബു നടുവീട്ടില്‍ എന്നിവര്‍.
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
