Type in Malayalam CLICK HERE

photo
JPMNEWS.com
joychenputhukulam.com
ജോയിച്ചൻപുതുക്കുളം.കോം

Phone  :  847 390 7836

Cell      :  847 345 0233

ഔഗേന്‍ മാര്‍ ദീവന്നാസിയോസ് തിരുമേനിയുടെ 8ാം ഓര്‍മ്മപ്പെരുന്നാള്‍ മെയ് 31 മുതല്‍

Picture

വാകത്താനം: മലങ്കര ഓര്‍ത്തഡോക്‌സ് സുറിയാനി സഭയുടെ പ്രഖ്യാപിത തീര്‍ത്ഥാടന കേന്ദ്രമായ വാകത്താനം വള്ളിക്കാട്ട് ദയറായില്‍ കബറടങ്ങിയിരിക്കുന്ന ഇടുക്കി ഭദ്രാസന മെത്രാപ്പോലീത്ത ആയിരുന്ന അഭിവന്ദ്യ ഔഗേന്‍ മാര്‍ ദീവന്നാസിയോസ് തിരുമേനിയുടെ 8ാം ഓര്‍മ്മപ്പെരുന്നാള്‍ മെയ് 31 മുതല്‍ ജൂണ്‍ 6 വരെ ആചരിക്കുന്നു. 31ന് രാവിലെ 8ന് വിശുദ്ധ കുര്‍ബ്ബാനയെ തുടര്‍ന്ന് അഭിവന്ദ്യ ഡോ.മാത്യൂസ് മാര്‍ സേവേറിയോസ് മെത്രാപ്പോലീത്താ പെരുന്നാള്‍ കൊടിയേറ്റ് നിര്‍വഹിക്കും. 11ന് കേരള മുഖ്യമന്ത്രി ഉമ്മന്‍ ചാണ്ടി പഠനോപകരണ വിതരണോദ്ഘാടനം നിര്‍വഹിക്കും. 11.15ന് വിദ്യാരംഭ ഒരുക്ക ധ്യാനം. ജൂണ്‍ 1 മുതല്‍ 4 വരെ രാവിലെ 6.15ന് പ്രഭാത നമസ്‌കാരം, 6.45ന് വിശുദ്ധ കുര്‍ബ്ബാന, വൈകിട്ട് 6ന് സന്ധ്യാപ്രാര്‍ത്ഥന എന്നിവ ഉണ്ടായിരിക്കും. 5ന് രാവിലെ 6.15ന് പ്രഭാത നമസ്‌കാരം, 6.45ന് വിശുദ്ധ കുര്‍ബ്ബാന, വൈകിട്ട് 6ന് തീര്‍ത്ഥാടകര്‍ക്ക് സ്വീകരണം, 6.30ന് പരിശുദ്ധ കാതോലിക്കാ ബാവായുടെ കാര്‍മികത്വത്തില്‍ സന്ധ്യാനമസ്‌കാരം, അനുസ്മരണ പ്രസംഗം, ഭക്തിനിര്‍ഭരമായ റാസ എന്നിവ നടക്കും. മെയ് 6ന് രാവിലെ 7.30ന് പ്രഭാത നമസ്‌കാരം, 8.30ന് പരിശുദ്ധ ബസേലിയോസ് മാര്‍ത്തോമ്മാ പൌലോസ് ദ്വിതീയന്‍ കാതോലിക്കാ ബാവായുടെ മുഖ്യകാര്‍മികത്വത്തില്‍ വിശുദ്ധ മൂന്നിന്മേല്‍ കുര്‍ബ്ബാന, അനുസ്മരണ പ്രസംഗം, അവാര്‍ഡ് ദാനം, കബറിങ്കല്‍ ധൂപപ്രാര്‍ത്ഥന, ആശീര്‍വാദം, നേര്‍ച്ച വിളമ്പ്, പ്രഭാത ഭക്ഷണം, കൊടിയിറക്ക് എന്നിവ നടക്കുമെന്ന് ദയറാ മാനേജര്‍ വന്ദ്യ സി.എം. ഫിലിപ്പോസ് റമ്പാന്‍ കോര്‍എപ്പിസ്‌കോപ്പാ, അസിസ്‌റന്റ് മാനേജര്‍ ഫാ. ജോയിക്കുട്ടി വര്‍ഗീസ് എന്നിവര്‍ പറഞ്ഞു.




Comments


Post A Comment
Name
Email
Location
Title
Comment
Security Code :  
Reload Image Reload for a new code